Stevdnenohcamuš

Jos don ja du vuostebealli eahppi soabat de sáhttá diggeriekti gieđahallat ášši. Dábálaččat galggat sáddet ohcamuša stevdnemii dan diggeriektái gos du vuostebealli orru.

Gávnna njuolga diggerievtti deaddileamen "Oza duopmostuolu".

1. Deavdde skovi "Stevdnenohcamuš". Ohcamušas galgá leat:

• Dieđut ohcci birra (guoddaleaddji) ja vuostebeali (áššálačča) namma. persovdnanummar. Čujuhus, telefovdnanummar. Jos ášši jođihuvvo sadjásaččas de dieđut su birra.
• Jos lea bealušteaddji de dieđihat su nama ja čujuhusa. Go barggahat bealušteaddji fertet maid šaddet fápmudusa.
• Mearriduvvon gáibádus, ovdamearkka dihte ahte vuostebealli galgá máksit mearálaš summá. Dieđit maid reanttu maid siđat. 
• Bures čilgejuvvon duogáš mii lea vuođđun du gáibádussii, ovdamearkka dihte manin vuostebealli galgá máksit gáibiduvvon summá.
• Dieđut duođaštusain mat gávdnojit ja mii galgá duođaštuvvot, ovdamearkka dihte vealgečilgehus dahje rehket. Sáddes čálalaš duođaštusaid guvttiin duođaštuvvon kopiijain.
• Jos dus leat vihtanat galggat dieđihit sin namaid, čujuhusaid ja telefovdnanummariid. Čális maid guđege vihtan galgá vihtanastit. Duopmostuollu boahtá gohččut vihtaniid jos šaddá gearretdoallu áššis.
• Jos ohcci dahje vuostebealli lea organisašuvdna, ovttastus dahje searvi dárbbašuvvo registtarduođaštus ovttastumi birra maid sáhttá diŋgot Ovttastusdoaimmahagas (sválddas rahpasa ođđa láses).

2. čális namat ohcamuššii. Jos dus lea veahkki de son galgá čálistit namas.

3. Mávsse diggerievtti Plusgirokonttui ohcandivadaga mii lea 450 ruvnnu. Gávnnat kontonummara "Oza duopmostuolu" bokte. Čális áššeoasálaččaid namaid ja persovdnanummariid dahje organisašuvdnanummara máksingortii. 

4. Sáddes dahje guođe ohcamuša diggeriektái ovttas registtarduođaštusain jos leaš. Dieđit got ohcandivadat lea mákson. Fuomit ahte ii leat doarvái fáksa dahje e-boastta bokte sáddet stevdnenohcamuša. Jos ohcamuš sáddejuvvo fáksain dahje e-boasttain de ferte maid guđđot vuođđohámiin nammačállosiiguin boastta bokte dahje dolvojuvvot duopmostullui. 
Jos du ohcamuš ii leat dievaslaš de fertet lasihit dárbbašlaš osiid jos diggeriekti galgá dan sáhttit gieđahallat. 
Das maŋŋil diggeriekti dieđiha stevdnema vuostebeallái. Stevdnen lea sutnje ávžžuhussan vástidit du gáibádusaide.